تطلب نصيحتكم ساعدوها ولو بكلمه؟؟هي ولونها _

السلام عليكم



اقرائو ماذا كتبت:

لوني سمراء عمري 21



امي انسانة متواضعة وزاهدة بالدنيا ربتنا اننا نحترم الكبير من يوم ماكنت بذاك العمر كنت محبوبة من المدرسات


في مدرستي مجموعة كانوا ينبزوني بألفاظظ عنصرية بحتة

بذكر لكم كم موقف صادفني بذيك الفترة

1

مجموعة من البنات اللي ضدي واللي ليومكم مادري ليه .. لازم يتهاوشون معاي ولازم يسمعوني أوصاف وكلمات عنصرية
كل هذااا علشان لووني .!!

2

انا معروفة من المدرسات فـ لازم كل مجلس امهات يخلوني اشارك فيه ..

ام اعز صديقاتي راحت للمدرسة تشتكي .. تقول : ليش تاخذون الـ.عبده... وماتاخذون بنتي .!!!!!!!!!!!

بنتها بنفسها اعترفت لي بهالشي

3
أخت صديقتي

اذا رحنا نلعب معاهم دايم تتجنبنا لدرجة مرة رحت لهم مارضت تفتح لي البااب





اللي صار اني كبرت

انا لحد اللحين اذا رحت مناسبة افكر اقول فلانة شبتقول عني .!! اكييد بتشمئز مني ولا راح تجلس معاي

فلانه تطالع فيني اكييد محتقرتني علشان لوني

ملابسي صارت مقتصرة على ألوان محددة بني عشبي اسود واذا مرة بنفسجي




لازم كل يوم 100 مرة اجلس اطالع بنفسي بالمرايا

اذا داومت اجلس اقارن نفسي بالبنات .. تخيلي تداومين كل يوم وانتي تحسين نفسك قبيحة



الخلاصة :

انا تعبانة


انا بموضوعي ابي استشارة ابي كلام

انا ماا ابغى خلطات تبيض لأني ابغى اتقبل نفسي من داخل

بليز اللي تقدر تساعدني لاتبخل علي انا محتاجة

واللي ماعندها شي يكفي اني قدرت اكتب معاناتي اليومية

بليز ياعالم كل شي إلا انكم تجرحون الناس وتحكمون على شكلهم الظاهري علشان لحظة انغريت بنفسك ترا هالشي ممكن

يكبر معاهم